شارە‌وانی سلێمانی: دانانی كۆشك لە شوێنی گشتی و موڵكی تایبە‌تدا ڕێگە‌پێدراو نییە
كاروان كه‌لاری/ باڵكێش
ئه‌مرۆ چوار شه‌ممه، 11ی تشرینی دووه‌م، سە‌رۆكایە‌تی شارە‌وانی سلێمانی له ڕاگه‌یه‌ندراوێكدا ده‌ڵێت، “دانانی كۆشك لە شوێنی گشتی و موڵكی تایبە‌تدا ڕێگە‌پێدراو نییە.”
سه‌رۆكایه‌تی شاره‌وانی سلێمانی له ڕاگه‌یه‌ندراوه‌كه‌دا ده‌شڵێت، “ھە‌ر ھاوڵاتییە‌‌ك داوابكات لە موڵكی تایبە‌تی خۆیدا كۆشك دابنێت، پێویستە سە‌ردانی بەشى هونەرى شارە‌وانی سلێمانی بكات، بە‌مە‌بە‌ستی گرتنە‌بە‌ری ڕێكاری ھونە‌ری و یاسایی لەسەر داواکەى.”
ئاماژەی به‌وه‌شكردووه، “ئه‌و كۆشكانه‌ی سە‌ر شە‌قامە‌كانیش پرۆژە‌یە‌كی وە‌بە‌رھێنانە بە‌شێوە‌ی موساته‌حە، كە بە‌رێوە‌بە‌رایە‌تی گشتی وە‌بە‌رھێنان بۆ كۆمپانیایە‌كی ئە‌نجامداوه و شارەوانى سلێمانى تە‌نھا دیاریکردنى شوێنی كۆشكە‌‌كانی كە‌وتۆتە ئە‌ستۆ.”
ڕوونیشیكردووه‌ته‌وه، “بڕیاره‌كه پاڵپشته بە یاسای چاكسازی و فە‌رمانی وە‌زارە‌تی شارە‌وانی و گە‌شت و گوزار بە ژمارە 91 لە 12ی8ی2020.”