كاروان كه‌لاری/ باڵكێش
ئه‌مڕۆ هه‌ینی، 30ی ئۆكتۆبه‌ر، بڕیاری سزاى نه‌به‌ستنى ماسك له سلێمانی چووه بواری جێبه‌جێكردنه‌وه، سزاكه ئه‌و شۆفێرانە و سەرنشینەکانیان ده‌گرێته‌وه كه پابەندی بەستنی ماسک نابن و بڕیاره‌كه‌ش لەڕێگەی ئامێری (پى دى ئاى)ەوە جێبه‌جێده‌كرێت.”
عه‌مید فه‌ره‌یدوون، به‌ڕێوه‌به‌ری پۆلیسی هاتووچۆی سلێمانی ڕایگه‌یاندووه، “سزاكه 50 هه‌زار دیناره و به‌بێ جیاوازی به‌سه‌ر هه‌موواندا جێبه‌جێده‌كرێت.”
24ی ئه‌م مانگه وەزارەتی ناوخۆی حكومه‌تی هه‌رێمی كوردستان بڕیاریدا، هه‌ر شۆفێرێك سه‌رنشینی له‌گه‌ڵدابێت و خۆی و سه‌رنشینه‌كانی ماسكیان نه‌به‌ستبێت، ئه‌وه شۆفێره‌كه به بڕیاری 50 هه‌زار دینار غه‌رامه ده‌كرێت.