فیستیڤاڵی هه‌نار و پایزی هه‌ڵه‌بجه ده‌ستیپێكرد
كاروان كه‌لاری/ باڵكێش
فیستیڤاڵی ساڵانه‌ی هەنار و پایزی هەڵەبجە له پارێزگای هه‌ڵه‌بجه دەستیپكرد، له فیستیڤاڵه‌كه‌دا جوتیاران و باخەوانان و پیشەوەران و خاوەن بەرهەمەكان و هاوڵاتیانیش دەتوانن بەشداربن.
سه‌رله‌به‌یانی ئه‌مڕۆ پێنج شه‌ممه، 29ی ئۆكتۆبه‌ر، بە پابەندبوون بە ڕێنماییە تەندروستییەكان لە پاركی یاری شاری هەڵەبجە، فیستیڤاڵی ساڵانه‌ی هەنارو پایزی هەڵەبجە بۆ كارو بەرهەمە خۆماڵییەكان ده‌ستی به كاره‌كانی كرد و تیایدا به‌رهه‌می هه‌نار و به‌رهه‌مه خۆماڵییه‌كانی تر نمایش ده‌كرێت و ماوه‌ی 3 ڕۆژ ده‌خایه‌نێت.
