نەخۆشی H-pylori چییە؟

ئەم نەخۆشیە (H-pylori) لە ساڵی ١٩٨٢ دۆزراوەتەوە، نەخۆشییەکە دەبێتە ھۆی ئەوەی گەدە تووشی هەوکردن ببێت لە ڕێگای بەکتریایەکەوە کە بە (Helicopter Pylori) ناودەبرێت.

ئەم نەخۆشیە یەکێکە لە نەخۆشییە گوازراوەکان و دەکرێ لە ڕێگای چالاکی جەستەیی نێوان دوو کەسەوە بگوازرێتەوە وەک (ماچ کردن و سێکس).ھەروەھا نەخۆشییەکی بەربڵاوە و زیاتر لە منداڵان دەردەکەوێ.

نزیکەی دوو لەسەر سێی دانیشتوانی جیھان هەڵگری بەکتریایی (H-pylori)ن، بەڵام لەلایەن زۆربەی خەڵکەوە هەستی پێناکرێت بەهۆی دەرنەکەوتنی نیشانەکانە سەرەتاییەکانی.

 لەگەڵ دەرکەوتنی نیشانەکانی پێویستە نەخۆش سەردانی دکتۆر بکات، بۆ وەرگرتنی چارەسەری پزیشکی پێویست.

هۆکارەکانی تووشبون.

 • خواردنەوەی ئاوی پیس

 • نەشۆردنی دەستەکان دوای جوونە تەوالێت

 • ژیان لەگەڵ کەسێک کە هەڵگری بەکتریاکەیە

 • ژیان لەگەڵ ژمارەیەکی زۆر لە خەڵک

 • خواردنی خۆراکی پیس

نیشانەکانی نەخۆشی (H-Pylori).

 • ئازار لە بەشی سەرەوەی سک

 • ئازار لە کاتی برسێتی

 • هێڵنجدان

 • ڕشانەوە

 • قرپ لێدان

 • گۆڕان لە ڕەنگی پیسایی

 • لاوازبوون

لە ئەگەری چارەسەرنەکردنی لەوانەیە (H-pylori) ببێتە هۆکاری شێرپەنجەی گەدە، دواجار کونبوونی گەدە و خوێنبەربوونی ناوەکی لێ دەکەوێتەوە.

لەم حاڵەتەشدا نیشانەکانی دەگۆڕێن:

 • دڵەکزێ و ئازاری سک

 • لەدەستدانی ئارەزووی خواردن 

 • زوو هەستکردن بە تێربوون

 • ڕشانەوە

 • دڵتێکهەڵاتن 

 • هەرسنەبوونی خۆراک 

چۆن نەخۆشیەکە دیاری دەکرێت؟

 • پشکنینی هەناوبینی (نازور)

 • پشکنینی هەناسە

 • پشکنینی خوێن

 • پشکنینی پیسایی

چۆن خۆمان بپارێزین لەم نەخۆشیە؟

 • شۆردنی دەستەکان بە بەردەوامی و بەتایبەت پێش و پاش بەکارهێنانی تەوالێت.

 • دڵنیابوون لە پاکی ئاوی خواردنەوە.

 • خواردنی خۆراکی پاک و تەندروست.

 • دوورکەوتنەوە لە خۆراکی چەور و تیژ.

 • نەخواردنەوەی چایی و قاوە.