كاروان كه‌لاری/ باڵكێش
نرخی نەوت بەردەوامە لە دابەزین و هۆكاری سەرەكیش شەپۆلی دووەمی بڵاوبوونەوەی كۆرۆنایە لە سەرتاسەری جیهان کە ئاسۆیەکی بۆ بوژاندنەوەی ئابووری نەهێشتووه‌ته‌وه.
ئەمڕۆ هەینی، 6ی تشرینی دووه‌م، ئاژانسی بلومبێرگ بڵاویكرده‌وه، نرخی نەوت بۆ سێیەمین ڕۆژی لەسەریەك دابەزینی بەخۆیه‌وە بینی و له‌ئێستاشدا یەك بەرمیل نەوتی خاوی برێنت بە ڕێژەی لەسەدا 2.13 بەهاکەی لەدەستداوە و بە 40.06 دۆلار كۆتا مامەڵەی پێوەكراوە.
یەك بەرمیل نەوتی خاوی ڕۆژئاوای تەكساسیش لە ئەمریكا بە ڕێژەی لەسەدا 2.24 دابەزیوە و بە 37.92 دۆلار فرۆشراوە.