عێراق: بکوژانی خێزانە کوردەکەی بەغدا دەستگیرکران

دەزگای هەواڵگریی عێراق، دەستگیرکردنی بکوژانی خێزانە کوردەکەی بەغدای راگەیاند.

ڕۆژی سێشەممە 2020/9/15، ژمارەیەک چەکداری نەناسراو چوونەتە سەر ماڵی هاوڵاتییەکی کورد بە ناوی دارا رەئوف، لە ناوچەی مەنسوڕ لە بەغدا، خۆی و هاوسەرەکەی و شیلانی کچیان سەردەبڕن.

ئەمڕۆ چوارشەممە 2020/9/15، دەزگای هەواڵگریی عێراقی رایگەیاند، دوو کەسیان بە تۆمەتی کوشتنی ئەو خێزانە کوردە دەستگیر کردووە.

ئاماژە بەوەشکراوە، بکوژەکان لە گەڕەکی زڕاعەی ناوچەی بەلەدیات لە بەغدا دەستگیر کراون و دانیان بە تاوانەکەدا ناوە.