ئەمریکا: تووشبوون بە کۆرۆنا 6 ملیۆن کەسی تێپەڕاند
لە ماوەی 24 کاتژمێری ڕابردوودا، 34 هەزار و 543 کەس لە ئەمریکا تووشی کۆرۆنا بوون، ژمارەیەش تووشبووانیش بە ڤایرۆسەکە لەو وڵاتە گەیشتووەتە شەش ملیۆن و 175 هەزار و 600 کەس.
بەگوێرەی زانیارییەکانی ماڵپەڕی (Worldometer) کە پشت بە ئامارە نوێكراوه‌كانی ڤایرۆسی کۆرۆنا دەبەستێت لە جیهاندا، له ماوه‌ی 24 کاتژمێری رابردوودا، 357 تووشبووی دیكه‌ی ڤایرۆسی كۆرۆنا گیانیان له ده‌ستداوه، كۆی گشتیی گیانله‌ده‌ستدانیش به ڤایرۆسه‌كه بۆ 187 هه‌زار و 232 کەس به‌رزبووه‌ته‌وه.
ئەمریکا لە پلەی یەکەمدایە و بەرزترین ئاماری تووشبوون و گیانلەدەستدان بەو ڤایرۆسەی لەسەر ئاستی جیهاندا تیادا تۆمارکراوە.
هەروەها ژمارەی ئەو کەسانەی لە ڤایرۆسەکە چاکبوونەتەوە سێ ملیۆن و 425 هەزار کەسی تێپەڕاندووە و زیاتر لە 81 ملیۆن و 833 پشکنین ئەنجامدراوە.