نرخی مریشک بەرز بووەوە
کۆمەڵەی کێڵگە پەلەوەریەکان هۆکاری گرانبونی نرخى مریشک لە بازاڕەکاندا ئاشکرادەکات و رایدەگەیەنێت، لە ماوەی هەشت مانگدا بڕی 25 ملیار دینار زیان بەر خاوەن کێڵگە پەلەوەریەکان کەوتووە.
نازم عەبدوڵڵا، جێگری سەرۆکی کۆمەڵەی کێڵگە پەلەوەریەکان رایگەیاند، نرخى کیلۆیەک مریشک لە کێڵگە پەلەوەرییەکان بە دوو هەزار و 400 دینارە، بەرزبوونەوەى ئەو نرخەش لەو ئاستەدا نییە کە زیانى خاوەن کێڵگە پەلەوەریەکان پڕبکاتەوە، چونکە بڕى دوو هەزار و 250 دینار تێچوى هەر کیلۆیەکە.
نازم عەبدوڵڵا ئەوەش دەخاتەڕوو، کە بە تەنها پارێزگای سلێمانی ساڵانە بڕی 250 بۆ 300 هەزار تۆن مریشکی زیندوو بەرهەم دەهێنێت و داواکارین هەموو لایەنەکان پشتیوانی ئەم کەرتی ناوخۆییە بکەن و نەهێڵن تووشی داڕمان ببێت.