داعش دوو برا دەکوژێت

شەوی ڕابردوو 2020/8/26 لە نزیک گوندی (نوری میکایلی) چەکدارانی داعش دوو کەس دەکوژن و دوو کەسی دیکەش بێسەروشوێنن

دوای ئەوەی شەوی ڕابردوو چەکدارانی داعش ھێرشیانکردە سەر گوندی نوری میکایلی لە سنووری قەزای خانەقین، چوار ھاوڵاتی گوندەکەیان ڕفاند و دوو ئۆتۆمبێلێشیان سووتاند.

بەگوێرەی زانیارییەکانی تۆڕی میدیایی باڵکێش، ئەمڕۆ بەیانی 2020/8/27 تەرمی دوو لە ھاوڵاتییە ڕفێندراوەکان کە کوردن و برای یەکترن بەناوەکانی (لوقمان داود و سامان داود) دۆزرانەوە، ھەروەھا دوو ھاوڵاتی دیکەی ڕفێندراو تا ئێستا ھیچ سوراغێکیان نییە و بێسەروشوێنن.