چوار پۆلیسی عێراقی کوژران
شەوی ڕابردوو 2020/8/24 لە گوندێکی سەر بە قەزای داقووق، چەکدارانی داعش هێرشیانکردە پۆلیسی عێراق.
بەپێی زانیارییەکانی تۆڕی میدیایی باڵکێش، شەوی ڕابردوو چەکدارانی داعش هێرشیانکردووەتە سەر پۆلیسی فیدڕاڵی عێڕاق و بەهۆیەوە چوار پۆلیسی فیدڕالی کوژراون.
هەر بەگوێرەی ئەو زانیارییانەی دەست باڵکێش کەوتوون، هێرشەکە کراوەتە سەر فەوجی (3)ـى بەتالیۆنی (5)ـى پۆلیسی فیدڕاڵی عێڕاق لە داقووق.
هەر لە هێرشەکەی چەکدارانی داعشدا بۆ سەر پۆلیسی فیدڕالی عێراق، چوار پۆلیس فیدڕالیش بریندار بوون.