تەندروستی کەرکووک: هەشت کارمەندی تەندروستی تووشی کۆرۆنا بوون
به‌ڕێو‌به‌رایه‌تی ته‌ندروستی كه‌ركوك لە ڕاگەیەندراوێکدا رایگه‌یاند، له ماوه‌ی 24 كاتژمێری رابردودا، 117 تووشبوی ڤایرۆسی كۆرۆنا تۆماركراون، هاوکات 142 تووشبووی ڤایرۆسەکەش چاكبوونه‌ته‌وه.
هەر به‌گوێره‌ی راگه‌یه‌ندراوەکەی ته‌ندروستی كه‌ركووك، ئه‌مڕۆ شەممە 2020/8/22، 117 تووشبوو كۆرۆنا له پارێزگاکە ده‌ستنیشانكراون و كۆی گشتی هەڵگرانی ڤایرۆسەکەش گه‌یشتووه‌ته هه‌شت هه‌زار و 218 کەس.
له‌ماوه‌ی 24 كاتژمێری ڕابردوودا لە پارێزگاکە 4 كه‌س به‌هۆی ڤایرۆسی كۆرۆناوه گیانیان له ده‌ستداوه، ژمارەی گیانله‌ده‌ستدانیش به‌هۆی ڤایرۆسه‌كه‌وه لەو پارێزگایە، گه‌یشتووه‌ته 359 كه‌س.
ئاماژە بەوەشکراوە له ناو تووشبووانی ڤایرۆسەکە لە شه‌و و رۆژی ڕابردوودا، هەشت تووشبوویان کارمەندانی تەندروستی نەخۆشخانەکانی شاری کەرکووکن.