بەرپرسێكی باڵای داعش لە سلێمانی دەستگیر كرا

وەزارەتی ناوخۆی عێراق ڕایگەیاند: بەرپرسی شەرعی رێکخراوی داعش لە قەزای دوزخورماتوو لە شاری سلێمانی دەستگیرکراوە.

لە ڕاگەیەنراوەكەی وەزارەتی ناوخۆدا هاتووە:  پاش دەستکەوتنی زانیاری وردی هەواڵگری لەسەر یەکێک لە بەرپرسانی داعش کە لە سلێمانی بووە و ویستویەتی بڕواتە وڵاتانی دەرەوە، لەماوەی 72 کاتژمێردا لە پرۆسەیەکدا دەستگیرکراوە.

وەزارەتی ناوخۆ دەڵێت: ئەو کەسە لە دانپێدانانەکەیدا ڕایگەیاندوە کە بەپرسی شەرعی داعش بووە لە قەزای دوزخورماتوو و ویستویەتی لەسلێمانیەوە بڕواتە یەکێک لەوڵاتانی دەرەوە.