گۆڕان داوای دانیشتنی پەرلەمان دەكات

فراكسیۆنی گۆڕان لە پەرلەمانی كوردستان، بەیاننامەیەكی بڵاوكردەوە،  تێیدا هاتووە،  گۆڕان داوای دانیشتنی پەرلەمانی كوردستان  دەكات لەسەر چەند پرسێكی گرنگ  و داوا دەكات، پەرلەمان ڕۆڵ ببینێت لەكێشە هەنووكەیەكان

دەقی بەیاننامەكەی گۆڕان

ئێمە لە فراکسیۆنی گۆران دوای ئاڕاستەکردنی چەندین داوای دانیشتن و بەدواداچونی وورد، بۆ پرسە گرنگ وهەستیارەکان کە بەرۆکی خەڵکی کوردستانی گرتووە بەتایبەت:

١. پرسی دۆخی دارایی و مووچەی مووچە خۆرانی هەرێم کە گوزەرانی خەڵک بەدۆخێکی خراپدا تێدەپەرێت.

٢.پرسی خاڵە سنوریەکان: ئەو قاچاخچێتی و گەندەڵکاریانەی تیایدا ئەنجام دەدرێت لەلایەن بەرپرسانەوە.

٣.چاکسازی لە داهاتە نەوتی و غەیرە نەوتیەکان بە دەرچواندنی یاسای چاکسازی گشتگیرو هەمەلایەنە.

٤.پرسی ناوچە سنوریەکان لەشکرکێشی وداگیرکاریەکانی تورکیاو، وتۆپبارانەکانی ئێران ودۆخی خراپی  ناوچەدابڕێندراوەکان.

ئێستا کە کوردستان بە دۆخێکی ئاڵۆزدا تێپەردەبێت و پێویستمان بە کارکردنە، لەسەر ئاستی نیشتیمانی و چاکسازیبنەرەتی کە دەبێت پەرلەمانێکی کارا ئەم رۆڵ و ئەرکە ببینێ وشوێنی چارەسەری کێشەکان بێت . بەڵام بەداخەوەئاراستەی کارکردنی دەستەی سەرۆکایەتی بە ئاراستەی پەکخستنی دانیشتنەکانی پەرلەمان و تێکەڵکردنی پەرلەمانیکوردستانە بە ململانێی ناشرینی حیزبەکان کە پێمان وایە بەرپرسی یەکەم لە پەکخستن و کارانەبونی پەرلەماندەستەی سەرۆکایەتی پەرلەمانە.

پێویستە تەواوی فراکسیۆنەکانی پەرلەمان هەماهەنگ بن و فشار بکەن بۆ دەستپێکردنەوەی دانیشتنەکانی پەرلەمان،تایبەت بە کێشەکانی خەڵکی کوردستان.

فراکسیۆنی گۆڕان  

٢١ ی تەموزی ٢٠٢٠