مەلا عومەر چنگیانی لە فەیسبووك نووسیویەتی:
لە پەراوێزی دەرسێکی تەڵاقدا
دوای نوێژی عەسری ئیمڕۆپێنجی ئۆکتۆبەری٢٠٢٢ لە پاڵ منارەکەی مزگەوت، سەرقاڵی وتنەوەی دەرسێک بووم لە ئەحکامی تەڵاق لەسەر مەزهەبی ئیمامی شافیعی – رەحمەتی خوای لێبێت – لەسەر کتێبی(المختار من الاقناع في حل الفاظ أبي شجاع في الفقه الشافعي للصف الثالث الثانوي) بە چەند قوتابیەکی پۆلی کۆتایی پەیمانگای ئەزهەر، – وێڕای گوێگرتنیان بە تەلەفونەکانیان دەرسەکەیش تۆمار دەکەن – ، لاوێک دوای نوێژ کردن لە حەوشەکە دەسووڕایەوە داوای ڕێگە پێدانی دانیشتنی کرد و دوای تەواو بوونی دەرسەکەمان، گوتی: دەکرێ لەبارەی حوکمی نیکاحی مسیارەوە بپرسم، کە زۆرێک لە مەلاکان حەرامیان کردووە؟ گوتم: مسیار چییە؟ وتی: ژنو پیاوێک بە مارەکردنی شەرعی و ژنەکە لە هەقی خۆی خۆش دەبێت کە نایەوێ بگوێزرێتەوە. وتم: شاهید و وەلی ئەمر و مارەیی دەبێت؟ وتی: بەڵێ!وتم: ئەی کە وا بوو هەراکە لەسەرچییە؟ ئەزیزم یەکەم مامۆستای خوێندەوار و شەرعزان و شارەزا لە فیقه و مەقاصیدی شەریعە قسەیان لەسەر کردووە نەک حەرامکردن، دووەم، برام ئێمەی کورد بە زۆری لاسایی و نەریت دەپەرستین نەک گوێ بۆشەرع و فیقهو یاسا بگرین، لەگەڕەکێکدا نەخۆشێک دادەمێنێ بۆ پاکەتێک دەرزی کەس بۆی ناکڕێ، کەمرد مزگەوت جمەی دێت لە فیشکەی جگەرە و قاتی ئوتووکراو و تەسبیحی قەزوانی دووسەد دەنکی و سمێڵی ڕەش کراوە و خۆ بادان، لەکاتێکدا بۆ نوێژ و چوونە گؤڕستان ئەو حەزە نییە وەکچۆن بۆ پێنج هەزار بۆ دەرمان ئەو هەڵوێستە نەبوو، برام بابەتی ڕێگەدان بە نیکاحی مسیار بابەتێکی شەرعییە و جێبەجێکردنیشی بە ئاشکرا لە ڕێگای پەرلەمان و یاساوە یەکلا دەکرێتەوە و هاکا کرایە نێو یاسا و بە زۆرینەی دەنگ دەنگی پێدرا و پاساویش بۆ پیرۆزییەتەکەی هێنرایەوە.