كاروان كه‌لاری/ باڵكێش
دەسەڵاتی فرۆكەوانی مەدەنی توركیا، دەستپێكردنەوەی گەشتە ئاسمانییەكانی لەگەڵ عێراق ڕاگەیاند و بڕیارە ئەمڕۆ هەینی، 25ی ئه‌یلوول، گەشتەكان دەستپێبكەنەوە.
دوێنێ پێنج شەممە، 24ی ئه‌یلوول، دەسەڵاتی فڕۆكەوانی مەدەنی توركیا بڵاویكرده‌وە: "ڕۆژی هەینی، 25ی ئه‌یلوول، گەشتە ئاسمانییەكانی نێوان عێراق و توركیا دەستپێدەكاتەوە و لە هەفتەیەكدا چوار گەشت ئەنجام دەدرێن."
ئاماژەی بەوەشكرد: "كه ڕێگە بە كۆمپانیاكانی توركیا و عێراق دەدرێت گەشتەكانیان بۆ فڕۆكەخانەكانی عێراق و توركیا دەستپێبكەنەوە."
پێشتر كۆرۆنا، گەشتە ئاسمانییەكانی عێراق و توركیای هه‌ڵپه‌سارد، دواتر گرژییەكانی نێوان عێراق و توركیا بەهۆی بۆردومانەكانی توركیا بۆ سەر سنورەكانی هەرێم جارێكی تر دەستپێكردنەوەی گەشتەكانی دواخست.