حکومەتی هەرێمی کوردستان بەبۆنەی جەژنی جەمای ئێزیدیان، شەش ڕۆژ پشووی ڕاگەیاند و دەڵێت هەمووان ناگرێتەوە.
دوای ئەوەی حکومەتی هەرێم بە فەرمی ڕایگەیاند، شەش ڕۆژ لە هەرێمی کوردستان بۆ کوردانی ئێزیدی دەبێتە پشوو، سەرچاوەیەک لە حکومەتی هەرێم دەڵێت، "هەموو خەڵک ناگرێتەوە و تەنها تایبەتە بە کوردانی ئێزدی، سبەینێ دەوام هەیە و پشوو نییە".
ئەمەش دوای ئەوەهات، لە چەند پەیجێک و سۆشیاڵ میدیایەک هەواڵی ئەوە بڵاوکراوەتەوە پشووەکە بۆ ماوەی ڕۆژێک هەموو خەڵکی کوردستان دەگرێتەوە و سبەی چوارشەممە پشووی فەرمی و سەرتاسەرییە.
سەرچاوەکەی حکومەتی هەرێم رایگەیاند، نەخێر پشووەکە هەموو خەڵک ناگرێتەوە و تەنها تایبەتە بە کوردانی ئێزدی، سبەینێ دەوام هەیە و پشوو نییە.