پاش ئەوەی پێناسی گومرگی بووە هۆی نیگەرانی بازرگانان، سەرۆکایەتیی پەرلەمانی عێراق بە نووسراوێکی فەرمی سێ پێشنیازی ئاراستەی محەمەد شیاع سوودانی، سەرۆکوەزیرانی عێراق کردووە.

پێشنیازەکان چین؟

ڕاگرتنی کاتی:جێبەجێکردنی بڕیاری ئەنجوومەنی وەرزیرانی عێراق (957) بۆ ماوەی 90 ڕۆژ دوابخرێت، تاوەکو پێداچوونەوەی وردی بۆ دەکرێت.

کەمکردنەوەی نرخ: ڕێژەی گومرگی بەشێک لە کاڵا هاوردەکراوەکان زیاد کراوە کە هەندێکیان گەیشتوونەتە 30%.

پشتیوانیی ژینگەیی: گومرگی ئۆتۆمبێلی هایبرید لە 15%ـەوە کەم بکرێتەوە بۆ 5% ، ئەمەش بە مەبەستی هاندانی هاووڵاتیانە تاوەکو ڕوو لە کڕینی ئەو جۆرە ئۆتۆمبیلانە بکەن.

هۆکاری ئەم هەنگاوە چییە؟

ئەم پێشنیازانە دوای ئەوە دین کە پەرلەمانی عێراق لە ڕۆژانی 10 و 11ـی کانوونی دووەم، میوانداریی سەرۆکى دەستەى دەروازە سنوورییەکان و بەڕێوەبەرى گشتیى گومرگی کرد.

چاوەڕێی چی دەکرێت؟

بڕیارە سبەی سێشەممە 10ی شوباتی 2026،  ئەنجوومەنی وەزیرانی عێراق کۆببێتەوە و تاوتوێی جێبەجێکردنی 6 بڕیار بکات، لە 2025 و 2026 لەپێناو زیادکردنی داهات و کەمکردنەوەی خەرجی دەرکراون.