سەرچاوەیەکی پزیشکی بەرپرس لە پارێزگای دیوانیە رایگەیاند، بەهۆی رووداوێکی سەختی هاتوچۆوە حەوت کەس گیانیان لەدەستدا و ٤٦ کەسی دیکەش برینداربوون.
ئەمڕۆ هەینی ٣١ـی کانونی دووەمـی ٢٠٢٥، سەرچاوەیەیکی بەرپرس بە ئاژانسی شەفەق نیوزی راگەیاندووە، بەهۆی رووداوێکی هاتوچۆوە لەسەر رێگای سەرەکی دیوانیە - نەجەف، ئۆتۆمبێلێک لە جۆری پاس وەرگەڕاوە و کەوتووەتە ناو ئاوەڕۆیەکی ئەو ناوچەیە.
ئاماژە بەوەشکراوە، رووداوەکە بووەتە هۆی گیان لەدەستدانی حەوت کەس و برینداربوونی ٤٦ کەسی دیکە و هەندێک لە بریندارەکان دۆخی تەندروستییان ناجێگیرە.
ئەوەشی خستەڕوو، تیمەکانی فریاکەوتنی نەخۆشخانە بە زووی گەیشتوونەتە شوێنی رووداوەکە و بریندارەکانیان گواستووەتەوە بۆ نەخۆشخانە.