نێچیرڤان بارزانی سه‌رۆكی هه‌رێمی كوردستان په‌یامێكی لەبارەی سەردانەکەی سوودانی بۆ واشنتۆن بڵاوكرده‌وه.
له په‌یامه‌كه‌ی سه‌رۆكی هه‌رێمی كوردستان كه له تۆڕی كۆمه‌ڵایه‌تی ئێكس بڵاویكردووه‌ته‌وه و هاتووه، بە گەشبینییەوە لە سەردانەکەی محەممەد شیاع سوودانی، سەرۆکوەزیرانی عێراقی فیدڕاڵ بۆ ئه‌مریكا ده‌ڕوانین.
نێچیرڤان بارزانی ده‌شڵێت، ئێمە بەتەواوی پاڵپشتی لەو سەردانەی سه‌رۆك وه‌زیران سوودانی دەکەین، دڵنیاین کە بەرژەوەندیی هەموو عێراقییەکان لەوێ نوێنەرایەتی دەکرێت.
هه‌روه‌ها سه‌رۆكی هه‌رێمی كوردستان ئاماژه‌ی به‌وه‌ش داوه، هیوا دەخوازین کۆبوونەوەکان ئەرێنی و سەرکەوتوو بن و ئاستی پەیوەندییەکانی نێوان هەردوو وڵات بەرەو باشتربێت.