بەپێی خشتەی دابەشکردنی مووچە، دەست بە دابەشکردنی مووچەی مانگی ئادار کرا، بڕیارە تاوەکو دوو ڕۆژی دیکە مووچەی سەرجەم مووچەخۆران دابەش بکرێت.
دوای ڕێککەوتنی سەرۆکوەزیران مەسرور بارزانی و محەممەد شیاع سوودانی سەرۆكوەزیرانی عێراق، لەبارەی پرسی مووچە لە ماوەی کەمتر لە 10 ڕۆژ مووچەکانی مانگی دوو و سێی مووچەخۆرانی هەرێمی کوردستان دابەشدەکرێت.
هەر بەپێی ڕێککەوتنی سەرۆکوەزیران بارزانی و سەرۆکوەزیرانی عێراق، پێویستە چیتر بابەتی مووچە بە دوور بگیرێت لە هەموو ناکۆکیی و کۆت و بەندەکان، دوای جەژنیش ڕاستەوخۆ دەست بە ئامادەکاری بۆ مووچەی مانگی چوار دەکرێت.