سۆران عومەر، پەرلەمانتاری فراکسیۆنی کۆمەڵی ئیسلامی کوردستان بە تۆڕی میدیایی باڵکێشی راگەیاند, سبەی چوارشەممە لە کۆنگرەیەکی رۆژنامەوانیدا دەست لەکار کێشانەوەی خۆی لە پەرلەمانتاری رادەگەیەنێت و هۆکارەکانیشی ئاشكرا دەکات.

لە 7ـی ئایاری 2020 بە دەنگی 57 پەرلەمانتار پارێزبەندیی سۆران عومەر هەڵگیرا. لە رۆژی 15-6-2020 رێواز فایەق، سەرۆکی پەرلەمانی کوردستان ئەو بڕیارەی هەڵوەشاندەوە. فرسەت ئەحمەد، وەزیری دادی ھەرێمی كوردستان لە وەڵامی بڕیاری رێواز فایەقدا رایگەیاند، بڕیارەکە پێچەوانەی رێسای گشتیی پلەبەندی یاسایی دەرچووە و لە رۆژنامەی وەقائیع بڵاونابێتەوە. 

هەروەها رۆژی یەکشەممە 12-7-2020 سەرۆکایەتیی دادگای تێهەڵچونەوەی ناوچەی هەولێر فەرمانی دەستگیرکردنی بۆ سۆران عومەر دەرکرد.