قائیمقامیه‌تى قه‌زاى شه‌قڵاوه له ڕاگه‌یاندراوێكدا ڕایگەیاند، ڕێگای شەقڵاوە - میراوە دادەخرێت.
ئه‌مڕۆ شه‌ممه 29/8/2020، قائیمقامیه‌تى قه‌زاى شه‌قڵاوه، ڕایگەیاند "به مه‌به‌ستى قیڕتاوكردنى ڕێگاى سه‌ره‌كیی سۆرك له شه‌قڵاوه (شه‌قڵاوه - میراوه)، ئەمشەو لە كاتژمێر 10ی شەوه‌وه، بۆ 24 کاتژمێر دادەخرێت.
قائیمقامیەتی قەزای شەقڵاوە داوا له شۆفێرانى بارهه‌ڵگر دەکات، ڕێگاى گوندی لاسە بە ئاراستەی ڕێگای هیران بەكار بهێنن، هەروەها ئۆتۆمبێلی ئاسایی نەفەرهەڵگر، دەتوانن تونێلی ماوەران بەكار بهێنن.
