لە پارێزگای باڵکئەسیری رۆژئاوای تورکیا لە کارگەیەکی بەرهەمهێنانی تەقەمەنی تەقینەوەیەکی گەورە روویدا.
ئیسماعیل ئوستائۆغڵو، پارێزگاری باڵکئەسیر رایگەیاند، بەگوێرەی زانیارییە سەرەتاییەکان لە ئەنجامی تەقینەوەکەدا 12 کەس گیانیان لەدەستدا و سێ کەسی دیکەش بریندارن.
رووداوەکە کەمێک پێش ئێستا لە شارۆچکەی کارەسی روویدا.
ژمارەیەکی زۆر لە تیمەکانی تەندروستی، بەرگریی شارستانی و هێزە ئەمنییەکان رەوانەی شوێنی رووداوەکە کراون.
تیمەکان لە شوێنی رووداوەکە پشکنین دەکەن و پارێزگار رایگەیاند، لێکۆڵینەوە لە رووداوەکە دەستیپێکردووە.