له سنووری قه‌زای پێنجوێن ئۆتۆمبیلێك دوو هاوڵاتیی لەسەر ماتۆرسکیلێک دەشێلێت و دواتریش شۆفێره‌كه هه‌ڵدێت.
بەڕێوبەرایەتی ھاتوچۆی پێنجوین ڕایگەیاند، لە ئاکامی ڕووداوێکی ھاتوچۆ له‌نێوان ئۆتۆمبیلێك و ماتۆڕسكیلێك، دوو قوربانی لێ كه‌وته‌وه.
هاتوچۆی قەزاکە ئەوەشی راگه‌یاند، به‌هۆی پێكدادانه‌كه، یەکێك له ماتۆڕسواره‌كان گیانی لە دەست داوه و ئه‌وی دیکەش بریندار بووه.
هەر بەگوێرەی زانیارییەکانی هاتوچۆی قەزای پێنجوێن، ڕووداوەکە لە جۆری پێکدادان بووه لەسەر ڕێگای پینجوین - گەرمک، شۆفێری ئۆتۆمبیله‌كه‌ش هەڵهاتووە.
