بەپێی راگەیەندراوێکی پەیمانگای بیرکاری کارپێکراو لە ئەکادیمیای زانستی ڕوسیا، هەسارە بچوکەکە (HV5 2006) کە تیرەکەی نزیکەی 300 مەتر دەبێت، بە دوری 2.4 ملیۆن کیلۆمەتر لە زەوی نزیکبوەتەوە، کە نزیکترین خاڵە لە زەویەوە لە ماوەی ئەم سەدەیەدا.

بەگوێرەی راگەیەندراوی ئەکادیمیاکە، یەکێک لە سەرنجڕاکێشترین هەسارە بچوکەکانی نزیک زەوی بریتییە لە (HV5 2006)، کە لە 26ی (نیسان/4) بە دوری 2.4 ملیۆن کیلۆمەتر لە (زەوی) نزیکبۆتەوە، لەکاتێکدا ئەو هەسارە بچوکە تەنها لە مانگی (نیسان/4)ی 2081 جارێکی دیکە لە زەوی نزیکدەبێتەوە.

ئەوەشخراوەتەڕو، ئەم هەسارە بچوکە تاڕادەیەک قەبارەکەی گەورەیە، درێژییەکەی 300 مەتر و ڕوناکیەکەی 15 پلەیە، هەروەها شێوەی گۆشەیی هەیە، لە 19ی (نیسان/4)ی 2006 دۆزرایەوە.