لە ئەگەریی بەرزبوونەوەی ئامارەکانی تووشبوون بە ڤایرۆسی کۆرۆنا بەجۆرێک لە نەخۆشخانەکانی تایبەت بە کۆرۆنا شوێنی نەخۆش نەمێنێت، وەزارەتی تەندروستی دەتوانێت چەند هەنگاوێک بنێت بۆ بەردەوام بوون لە خزمەتکردنی تووشبووانی کۆرۆنا.
یەکێک لەو رێگایانەی لەبەردەم وەزارەتی تەندروستییە، ئەوەیە سەرجەم نەخۆشخانەکان لە ھەرێمی کوردستان تایبەت بکرێن بە تووشبووانی ڤایرۆسی کۆرۆنا، بەڵام بەمە سەرجەم خزمەتگوزارییە تەندروستییەکانی دیکە دەوەستێنن.
رێگای دووەم ئەوەیە: کەرەنتینەی ماڵەوە رابگەیەنن و تەنھا ئەو نەخۆشانە لە نەخۆشخانە چارەسەر بکرێن، کە دۆخی تەندروستییان ناجێگیرە.