لە درێژەی هەڵمەتی بەدواداچونی لیژنە هاوبەشەکانی قایمقامیەتی سلێمانی لیژنەی کۆگاکانی سەر بە لیژنە هاوبەشەکان دەستی بەسەر بڕی (2.162)کگم هەویری کونافەدا گرت کە شیاو نەبووە بۆ خواردن و ئامادەکرابوو بۆ فرۆشتن.
بەپێی راپۆرتی لیژنەی کۆگاکان ئەو هەویری کونافەیەی دەستی بەسەردا گیراوە کەڕووی کردووە و لە یەکێک لە کۆگاکانی کۆمپانیای (ساحل عیراق) دا لە ناوچەی پیشەسازی سلێمانیدا هەڵگیراوە، بریتیبووە لە (360) کارتۆنی (12) پارچەیی، هۆکاری خراپبونیشی خراپ هەڵگرتنی بووە.
دوای دەستبەسەرداگرتنی، ئەو هەویرە خراپبووە لەلایەن لیژنەی لەناوبردن لەناو دەبرێت و خاوەنەکەی رووبەرووی رێکاری یاسایی دەکرێتەوە.