ساڵانە و لەگەڵ بەرز بونەوەى پلەکانى گەرما و وشک بوونى گژوگیا و پوش و پاوانەکان لەلایەک و لەلایەکى تر پابەندنەبوون و خەمساردى بەشێک لەهاووڵاتیان هۆکاردەبن بو چەند بارە بونەوەى ڕووداوەکانى ئاگرکەوتنەوە .
لەسنورى گوندى ( کوڕەداوێ ) سەربەقەزاى ماوەت ئاگرێک کەوتەوە و لەگەڵ ئاگادارکردنەوەىە بەشى پۆلیسى دارستانى ماوەت دەست بەجێ مەفرەزەکانى پۆلیسى دارستان گەیشتنە شوێنى ڕووداوەکە و بەهاوکارى پۆلیسى بەرگرى شارستانى و گوند نشینان توانرا ئاگرەکە کۆنترۆڵ بکرێت .
بەوهۆکارە نزیکەى ( ٢٠ بیست دۆنم لە ڕەز و باخى هاوولاتیان و ٣٠ سى دۆنم لە پوش و پاوان ) سووتان و زیانیان بەرکەوتووە.
هۆکارى کەوتنەوەى ئاگرکە نادیارە و لیکۆڵینەوە لەوبارەیەوە بەردەوامە .